Թբիլիսիի Սուրբ Էջմիածին եկեղեցու մոտ գրանցված միջադեպը չի կրել էթնիկ բնույթ. Վրաստանի ՆԳՆ
Новости-Грузия լրատվական գործակալության փոխանցմամբ՝ Վրաստանի ՆԳՆ-ը կարծում է, որ հանգստյան օրերին Թբիլիսիի հայկական Սուրբ Էջմիածին եկեղեցու մոտ տեղի ունեցած միջադեպը չի կրել էթնիկ բնույթ.
«Միջադեպը չի կրել միջէթնիկական բնույթ: Դիմակայությունը գրանցվել է փողոցում՝ ավտոմեքենան կայանելու պատճառով: Տարվում է հետաքննություն 125-րդ հոդվածով (մարմնական վնասվածքների պատճառում)»:
Նախօրեին Վիրահայոց թեմը կտրականապես դատապարտել է Սուրբ Էջմիածին եկեղեցու մոտ գրանցված միջադեպը և վրացի իրավապահներին կոչ է արել հետաքննել ազգային և կրոնական ատելությամբ դրդված, ծրագրված այդ հարձակումը:
