Ղրիմում բախումներից տուժածների թիվը հասել է 30-ի. երեքի վիճակը ծանր է
Սիմֆերոպոլում Ղրիմի խորհրդարանի շենքի մոտ հանրահավաքի ժամանակ եւ դրանից հետո բժիշկների օգնությանն է դիմել առնվազն 30 մարդ, հաղորդել է Ղրիմի առողջապահության նախարարությունը:
Նրանցից վեցը հոսպիտալացվել է, երեքի վիճակը բժիշկները ծանր են համարել, հաղորդում է УНИАН գործակալությունը:
Չորեքշաբթի Ղրիմի խորհրդարանի շենքի մոտ տեղի էին ունեցել Ղրիմի թաթարական մեջլիսի եւ Ռուսական միասնության եւ կազակների կուսակցության ակտիվիստների հանրհավաքները: Ընդհանուր առմամբ հավաքվել էր 10 հազար մարդ: Հակադիր ճամբարների ակտիվիստների միջեւ բախումներ էին տեղի ունեցել:
