Տիմոշենկոն կոչ է արել առայժմ չհեռանալ Մայդանից
Ուկրաինայի նախկին վարչապետ Յուլյա Տիմոշենկոն մայդանովցիներին կոչ է արել առայժմ չհեռանալ: УНИАН գործակալության փոխանցմամբ, այս մասին Տիմոշենկոն հայտարարել է Մայդանում ունեցած ելույթում:
«Եթե ձեզ ինչ-որ մեկն ասի, որ դուք արդեն կատարել եք ձեր առաքելությունը եւ կարող եք գնալ տուն, իսկ այստեղ ամեն ինչ կանեն ձեր փոխարեն, մի հավատացեք ոչ մի բառի…Քանի դեռ դուք ձեր գործը չեք հասցրել ավարտին, մինչեւ վերջին քայլը ոչ ոք իրավունք չունի ձեզնից հեռանալ: Քանի որ դո’ւք փոխեցիք ամեն ինչ, ո’չ քաղաքական գործիչները, ո’չ պատգամավորները, ո’չ աշխարհը….ոչ ոք չէր կարող, բացի ձեզնից, դա անել»,-հայտարարել է Տիմոշենկոն:
