Խոհանոցային դանակով հարվածել է եղբորը
Փետրվարի 16-ին, ժամը 01.10-ին, հիվանդանոցից ոստիկանության Շենգավիթի բաժնում հաղորդում է ստացվել, որ «որովայնի առաջնային պատի կտրած ծակած վերք, ենթամաշկային հեմատոմա, դեմքի և դաստակների քերծվածքներ» ախտորոշմամբ բուժօգնության է տեղափոխվել 1979 թ. ծնված Ռոման Մ.-ն, ով հիվանդանոցում հայտարարել է, որ եղբայրը դանակով հարվածել է իրեն:
Պարզվել է, որ Ռոման Մ.-ն ստացել է բուժօգնություն և գնացել:
Նույն օրը, ժամը, 01.25-ին, Երևանի Շարուրի փողոցի 28/2 շենքից ոստիկանության Չարբախի բաժանմունք բերման է ենթարկվել Ռոման Մ.-ի եղբայրը` 1975 թ. ծնված Հարություն Մ.-ն, ով բացատրություն է տվել, որ փետրվարի 15-ին, ժամը 23.30-ին, տանը, խոհանոցային դանակով հարվածել է եղբորը և պատճառել վնասվածքներ:
Կատարվում է հետաքննություն:
ՀՀ Ոստիկանություն
