Սպանության փորձի մեջ մեղադրվողը հերթական ինքնավնասումն է կատարել
Սպանության փորձ կատարելու մեջ մեղադրվող Թովմաս Վարդանյանը երեկ «Նուբարաշեն» ՔԿՀ-ում հերթական ինքնավնասումն է կատարել:
Այս մասին «Փաստինֆո»-ի թղթակցին տեղեկացրեց մեղադրյալի պաշտպան Արմեն Մկրտչյանը՝ հավելելով, որ իր պաշտպանյալն ինքնավնասումը կատարել է որովայնի շրջանում, և նրան բուժօգնություն ցուցաբերվել է կալանավայրում:
Այսօր՝ Թ.Վարդանյանի գործով դատական նիստի ժամանակ, որն ընթանում է Կոտայքի մարզի ընդհանուր իրավասության դատարանում՝ նստավայրը՝ Մասիս, Թ.Վարդանյանի ինքնազգացողությունը վատացել է և շտապօգնություն է հրավիրվել՝ նրան «Էրեբունի» բժշկական կենտրոն տեղափոխելու և վիրահատելու համար:
