Արթուր Բաղդասարյանը հայ միգրանտների հարցով դիմել է ռուս գործընկերոջը
Ռուսաստանի Դաշնության կողմից ընդունված օրենքի կապակցությամբ, որն արդեն գործում է այս տարվա հունվարից, ՕԵԿ-ը վաղը քննարկում է կազմակերպել: Այս մասին այսօր ԱԺ ճեպազրույցների ժամանակ հայտնեց ԱԺ ՕԵԿ խմբակցության պատգամավոր Հովհաննես Մարգարյանը: Նա նշեց, որ կուսակցության համար մտահոգիչ է այն հանգամանքը, որ, ըստ նոր օրենքի՝ ՀՀ քաղաքացիները ՌԴ-ում ազատ տեղաշարժվելու հնարավորությունից զրկվում են:
Մարգարյանի խոսքով՝ Ազգային անվտանգության խորհրդի քարտուղար, ՕԵԿ նախագահ Արթուր Բաղդասարյանն արդեն գրություն է ուղարկել Ռուսաստան՝ խնդրանքով՝ մինչև Մաքսային միությանը Հայաստանի անդամակցությունը ընդունված օրենքում որևէ փոփոխություն կատարել Հայաստանի մասով:
«Պարոն Արթուր Բաղդասարյանն արդեն համապատասխան գրություն է ուղղել իր ռուս գորժընկերոջը՝ Պատրուշևին, որ ՀՀ քաղաքացիների համար լրացուցիչ քննութան առարկա դառնա այս երեք ամիս ժամանակահատվածի վերանայման հարցը»,- նշեց ՕԵԿ պատգամավորը:
