Շվեդիայում Ամանորի նախօրյակին եղեւնիների գողությունը մեծ չափերի է հասնում
Եղեւնիների արտադրության շվեդական ասոցիացիայի տվյալներով` յուրաքանչյուր տարի երկրում ավելի քան 600 հազար տոնածառ են գողանում, գրում է The Local–ը:
Ընդ որում, եղեւնիների գներն առանձնապես բարձր չեն, ամենաթանկը 120 դոլար է, ամենաէժանը` 15 դոլար, եւ շատ շվեդներ են ցանկանում տոնածառ դնել: Ասոցիացիայի տվյալներով` երկրում յուրաքանչյուր վեցերորդ եղեւնին գողացված է:
Եղեւնիների մեծ մասը գողացվում է երկրի կենտրոնական եւ արեւմտյան մասում գտնվող անտառներից:
