Լոնդոնում տեղի է ունեցել Քեմբրիջի արքայազնի մկրտության արարողությունը
Լոնդոնում տեղի է ունեցել Քեմբրիջի արքայազնի մկրտության արարողությունը: Եղիսաբեթ II թագուհու ծոռը` Քեմբրիջի արքայազն Ջորջը չորեքշաբթի մկրտվել է Լոնդոնի Սենտ Ջեյմս պալատի եկեղեցում, հաղորդում է AP-ին:
Հանդիսավոր արարողությանը մասնակցել են երեք ամսական արքայազնի ծնողների մերձավոր հարազատներն ու ընկերները: Թագուհին, արարողակարգի համաձայն, ամուսնու` Էդինբուրգի դուքսի հետ եկեղեցի է ժամանել ամենավերջում:
Մկրտության արարողությունը, ըստ ավանդույթի, իրականացրել է Քենթերբերիի արքեպիսկոպոսը:
