Խոստացել է երիտասարդ ընտանիքին բնակարան ձեռք բերել, բայց «գցել» է
ՀՀ Գեղարքունիքի մարզի Սեմյոնովկա գյուղի բնակիչ, նախկինում դատված Սվետլանա Մանջոյանին առաջադրված մեղադրանքի համաձայն, նա 2010 թվականի հունիս ամսին ծանոթացել է Մհեր Մադաթյանի հետ, նրան ներկայացել է Երևանի քաղաքապետարանի աշխատող: Ապա հավաստիացնելով նրան, որ արտասահմանյան մի կազմակերպություն աջակցում է երիտասարդ ընտանիքներին բնակարան ձեռք բերելու հարցում՝ այդ պատրվակով` Մ.Մադաթյանից խաբեությամբ ու վստահությունը չարաշահելու եղանակով պահանջել և մաս-մաս ստացել է նրա առանձնապես խոշոր չափերով գույքը` 3.704.100 ՀՀ դրամին համարժեք 10.000 ԱՄՆ դոլար գումարը:
Սվետլանա Մանջոյանին մեղադրանք է առաջադրվել ՀՀ քրեական օրենսգրքի 178-րդ հոդվածի 3-րդ մասի առաջին կետով՝ առանձնապես խոշոր չափերով խարդախություն, նրա նկատմամբ խափանման միջոց է ընտրվելու կալանավորումը:
Գործն ընդունվել է Երևանի Աջափնյակ և Դավթաշեն վարչական շրջանների ընդհանուր իրավասության դատարանի դատավոր Վազգեն Ռշտունու վարույթ:
