Սուխումում սպանվել է ռուս դիվանագետ
Ռուսական РИА Новости լրատվական գործակալության փոխանցմամբ՝ Սուխումում սպանվել է Աբխազիայում Ռուսաստանի դեսպանատան հյուպատոսային բաժնի առաջին (այլ տվյալներով՝ երկրորդ) քարտուղար Դմիտրի Վիշերնևը: Այս մասին հայտնել է Սուխումի ոստիկանությունը:
Սպանությունն իրականացվել է այսօր առավոտյան: Նախնական տվյալներով՝ Վիշերնևը ծառայողական ավտոմեքենայով իր ավտոտնակից դուրս գալիս մոտ գլխի շրջանում ստացել է հրազենային վնասվածք և մահացել է:
Ավտոմեքենայում 36-ամյա դիվանագետի հետ գտնվել է նաև նրա կինը, որը նույնպես տուժել է այդ միջադեպից և հոսպիտալացվել է: Հարուցվել է քրեական գործ, տարվում է հետաքննություն:
