ՀԱՄԱՍ-ը դատապարտել է Մուրսիին 15 օրով կալանքի տակ առնելու որոշումը
Ռուսական РИА Новости լրատվական գործակալության փոխանցմամբ՝ ՀԱՄԱՍ շարժումն այսօր դատապարտել է Կահիրեի Վերաքննիչ դատարանի որոշումը, որում խոսք է գնում գահընկեց արված նախագահ Մոհամմեդ Մուրսիին 15 օրով կալանքի տակ առնելու մասին՝ կապված 2011 թվականի սկզբին բանտից նրա փախչելու և ՀԱՄԱՍ-ի հետ նրա կապերի համար:
Գազայի հատվածում ՀԱՄԱՍ-ի պաշտոնական ներկայացուցիչ Սամի Աբու Զուհրին հայտարարել է, որ ՀԱՄԱՍ-ը դատապարտում է այ որոշումը և դա համարում է վտանգավոր զարգացում: Մոհամմեդ Մուրսին գահընկեց է արվել հուլիսի 3-ին:
