Մոհամմեդ Մուրսին կալանավորվել է 15 օրով
Sky News Arabia արբանյակային հեռուստաալիքի փոխանցմամբ՝ Եգիպտոսի՝ գահընկեց արված նախագահ Մոհամմեդ Մուրսին կալանավորվել է 15 օրով: Դա տեղի է ունեցել Գլխավոր դատախազության իրականացրած հետաքննության շրջանակներում:
Մուրսին պաշտոնանկ է արվել հուլիսի 3-ին, ինչից հետո գտնվում էր տնային կալանքի տակ: Նրա դեմ հետաքննություն է ընթանում միանգամից մի շարք մեղադրանքներով, որոնց թվում են բանտից փախչելը, պետական դավաճանությունը, տնտեսական հանցագործություններ:
Սրանից առաջ նախկին նախագահին և այլ չինովնիկների արգելվել էր լքել երկիրը, իսկ ազգային և օտար բանկերում եղած նրանց հաշվեհամարները սառեցվել էին:
