Ադամանդե գլխարկ՝ 2.7 մլն դոլարով
«Chapeau d’Amour» գլխարկը ձևավորել է դերասանուհի Ալիսիա Ուիթը: Գլխարկի անվանումը թարգմանաբար նշանակում է՝ սիրո գլխարկ: Այն ստեղծվել է դիզայներ Լուի Մարիետի կողմից: «Chapeau d’Amour» գլխարկը պատրաստված է պլատինի հյուսվածքներից և պատված է շշմեցուցիչ ադամանդներով: Այս գլխարկն արժե մոտ 2.7 մլն դոլար և համարվում է ամենաթանկն աշխարհում: Նշենք սակայն, որ «Chapeau d’Amour» գլխարկը չի վաճառվում: Ի տարբերություն «Chapeau d’Amour»-ի, «Deep Blue Sea» գլխարկը վաճառվում է, դրա գինը տատանվում է 150-200 հազար դոլարի սահմաններում: Այն ձևավորված է փետուրներով և 26 օպալներով: Օպալները պատրաստել են Դանիելա Լ’Աբբատեն և Քրիստին Ռուսելը:
