Թուրքիան պետք է ավելի ակտիվ լինի TANAP գազատարի նախագծի իրագործման հարցում. Մամեդյարով
![](https://168.am/wp-content/uploads/2013/07/images-61.jpg)
Ադրբեջանական Trend լրատվական գործակալության փոխանցմամբ՝ Ադրբեջանի արտգործնախարար Էլմար Մամեդյարովը Բաքվում իր թուրք գործընկեր Ահմեթ Դավութօղլուի հետ հանդիպումից հետո կազմակերպված համատեղ մամուլի ասուլիսի ժամանակ հայտարարել է, որ Թուրքիան պետք է ավելի ակտիվ լինի «Անդրանատոլիական» գազատարի (TANAP) նախագծի իրագործման հարցում:
Մամեդյարովը հավելել է, որ Ադրբեջանը, Թուրքիան և Վրաստանը պայմանավորվել են «Բաքու-Թբիլիսի-Կարս» երկաթգծի կառուցման գործընթացն արագացնելու շուրջ:
Դավութօղլուն իր հերթին հայտարարել է, որ երկու երկրներն ունեն համագործակցության մեծ պլաններ՝ ընդգծելով, որ արդեն իսկ առկա են այդպիսի համագործակցության գործնական արդյունքներ:
Դավութօղլուն հիշեցրել է, որ նոյեմբերին Բաքվում տեղի է ունենալու Թուրք-ադրբեջանական ռազմավարական համագործակցության բարձրագույն խորհրդի հերթական նիստը:
Դավութօղլուն նաև շնորհակալություն է հայտնել Ադրբեջանին՝ կապված 2020 թվականի Ամառային օլիմպիական խաղերը Ստամբուլում հյուրընկալելու թուրքական հայտին ցուցաբերած աջակցության հետ: