Ղազախստանում մեկնարկել է «Ռուբեժ-2026» զորավարժության երկրորդ փուլը. ՀԱՊԿ-ից մանրամասնում են
Ղազախստանի «Կոկտալ» ուսումնական զորավարժարանում մեկնարկել է ՀԱՊԿ Կենտրոնական Ասիայի տարածաշրջանի Հավաքական արագ արձագանքման ուժերի հետ համատեղ «Ռուբեժ-2026» զորավարժության երկրորդ փուլը։
Զորավարժության «Մարտական գործողությունների վարում» փուլում զինվորականները մշակում են պատասխանատվության գոտիների զբաղեցման և ՀԱՊԿ անդամ պետության տարածք ներխուժած ապօրինի զինված կազմավորումների ոչնչացման գործողություններ։
Զորավարժությունների ընթացքում ստորաբաժանումները ցերեկային և գիշերային պայմաններում հետ են մղում պայմանական հակառակորդի հարձակումները հենակետերի ու բնակավայրերի վրա, հայտնաբերում և ոչնչացնում պայթուցիկ առարկաներ, զենքի ու զինամթերքի թաքստոցներ։
Ուսումնական գործողություններում կիրառվում են տարբեր տեսակի անօդաչու թռչող սարքեր, մշակվում են դրանց դեմ պայքարի, ռադիոէլեկտրոնային պայքարի և հակաօդային պաշտպանության հարցեր։ Փոքր գրոհային խմբերն օգտագործում են մոտոցիկլետներ, քվադրոցիկլներ և «Ուլան-1», «Ուլան-2» տակտիկական ամենագնացներ։
Զորավարժության ղեկավար, Ղազախստանի ԶՈւ օդադեսանտագրոհային զորքերի հրամանատար, գնդապետ Մախսուտ Գուսեյնովի խոսքով՝ զինծառայողները կարճ ժամանակում մշակել են շուրջ 40 տարբեր ուսումնական խնդիր։
