Եվս մեկ գյուղապետ կմեկնի արտագնա աշխատանքի. մամուլ
«Այսօր կառավարության նիստում վաղաժամկետ կդադարեցվեն ևս մեկ գյուղապետի՝ Շիրակի մարզի Կարմրաքար համայնքի ղեկավար Գագիկ Վահրադյանի լիազորությունները»,- գրում է «Հրապարակ» օրաթերթն ու հավելում.
«Նշենք, որ նա ընդդիմությունից է՝ ՀԱԿ անդամ է: Ըստ գյուղացիների, գյուղապետը հրաժարականի դիմում է գրել արտագնա աշխատանքի մեկնելու, սոցիալական պայմանների վատթարացման պատճառով:
Նրա հրաժարականը ևս պաշտոնապես ձևակերպվել է «անձնական բնույթի խնդիրների առաջացմամբ»: Զարմանալի է, որ գյուղապետը կարող է ծայրահեղ սոցիալական ծանր վիճակի պատճառով արտագաղթել, մինչդեռ շատ գյուղապետեր մարզպետներին հավասար հարստություն են դիզել»:
