Հարևանների միջև վիճաբանություն է եղել. գործի է դրվել գազային ատրճանակ
Օգոստոսի 30-ին՝ ժամը 22.40-ին, ՆԳՆ 112 օպերատիվ կառավարման կենտրոն ահազանգ է ստացվել, որ Երևանի Ադանայի փողոցում վիճաբանություն է․ հայտնում է ՆԳՆ Ոստիկանությունը։
«Նշված վայր մեկնած ՆԳՆ ոստիկանության օպերատիվ խմբերը կանխել են հետագա զարգացումները և վիճաբանության մասնակիցներին խուլիգանություն կատարելու կասկածանքով ձերբակալել:
Ըստ նախնական տվյալների՝ վիճաբանություն է եղել հարևանների միջև, ինչի ընթացքում գործի է դրվել գազային ատրճանակ:
Տուժածներ կամ մարմնական վնասվածք ստացած անձինք չկան:
Դեպքի բոլոր հանգամանքները պարզվում են»,- ասված է հայտարարության մեջ։
