Ռադայում առաջարկում են 3,8 հազար դոլար և ավելի տուգանք սահմանել սրճարաններում և խանութներում ռուսական երաժշտության համար
Ուկրաինայի խորհրդարանում (Ռադա) նոր օրինագիծ է շրջանառության մեջ դրվել. առաջարկվում է մինչև 3,8 հազար դոլար տուգանել այն սրճարաններն ու խանութներին, որոնցում ռուսական երաժշտություն կհնչի։
Այս նախաձեռնությունն արդեն ստացել է Հումանիտար քաղաքականության հանձնաժողովի հավանությունը, որը պաշտպանել է «սպասարկման ոլորտում թշնամական երաժշտական բովանդակության» արգելքը։
Բացի այդ, հանձնաժողովը սատարել է ևս մեկ օրինագիծ, որը ստիպելու է պաշտոնյաներին և ուսուցիչներին աշխատանքային պարտականությունները կատարելիս բացառապես ուկրաիներեն խոսել։
Նշենք, որ Կիևում վերջերս բարձրաձայնել էին խնդրի մասին, թե ուկրաինացիների շրջանում շարունակում է մեծ մնալ ռուսալեզու բովանդակության պահանջարկը (ըստ պաշտոնական տվյալների՝ բնակչության 71%-ը շարունակում է սպառել այդպիսի բովանդակություն)։ Ի պատասխան՝ երկրում արդեն իսկ գործում են հատուկ «լեզվական պարեկներ», ինչպես նաև փակվում են այն ակումբները, որտեղ ռուսերեն երգեր են հնչում։
