Վենսը Շվեյցարիայում բանակցությունների ժամանակ կատակել է իր կյանքի «ամենասիրելի մարդկանց»՝ հնդկուհի կնոջ և Պակիստանի բանակի հրամանատարի, մասին
ԱՄՆ փոխնախագահ Ջեյ Դի Վենսը ուշադրության կենտրոնում է հայտնվել Շվեյցարիայում ամերիկա-իրանական բանակցությունների ընթացքում՝ հիշատակելով իր «սիրելի» հնդիկներին և պակիստանցիներին, հայտնում է Gulf News-ը։
Բարձր մակարդակի դիվանագիտական հանդիպման ժամանակ արված այս հայտարարությունը սոցիալական ցանցերում լայն քննարկում է առաջացրել՝ շարունակվող բանակցությունների ֆոնին։
Բանակցությունների կուլիսներում ելույթ ունենալով՝ Վենսն ասել է, որ Հնդկաստանից և Պակիստանից իր «սիրելի» մարդիկ՝ իր կինը՝ Ուշա Վենսը, և պակիստանական բանակի հրամանատար Ասիմ Մունիրն են։
«Իմ կյանքում կա երկու սիրելի մարդ՝ մի պակիստանցի և մի հնդկուհի․ նրանցից մեկը իմ հնդկուհի կինն է, իսկ մյուսը՝ այստեղ ներկա պակիստանցի ֆելդմարշալ Մունիրը»,- ասել է նա։
Վենսը նաև բարձր է գնահատել Մունիրի դերը վերջին գործողություններում՝ նշելով, որ վերջին երեք ամիսներին նրա հետ ավելի շատ է շփվել, քան որևէ մեկի հետ։
«Մենք այստեղ չէինք լինի առանց նրա պետական և ռազմական ղեկավարության։ Նա իրեն ցույց է տվել որպես մեծ դիվանագետ»,- ավելացրել է նա։
