Հաջորդ շաբաթ տեղի կունենա Ջոն Քերիի ու Սերգեյ Լավրովի հանդիպումը

Ռուսական ИТАР-ТАСС լրատվական գործակալության փոխանցմամբ՝ ակնկալվում է, որ հաջորդ շաբաթ միմյանց կհանդիպեն Ռուսաստանի արտգործնախարար Սերգեյ Լավրովն ու ԱՄՆ պետքարտուղար Ջոն Քերին:

Այդ հանդիպումը տեղի է ունենալու Բրունեյում: Այս մասին գործակալությանն այսօր հայտնել է ռուսական դիվանագիտական գերատեսչությունում եղած աղբյուրը:

Ենթադրվում է, որ Լավրովի ու Քերիի հանդիպման գլխավոր քննարկման թեման կհանդիսանա Սիրիայի հարցը: