Միացյալ Նահանգները շարունակում է աջակցել Հայաստանի և Ադրբեջանի միջև երկարատև խաղաղությանը․ Թրամփ

Միացյալ Նահանգները շարունակում է աջակցել Հայաստանի և Ադրբեջանի միջև երկարատև խաղաղությանը։ Այս մասին ասված է ԱՄՆ նախագահ Դոնալդ Թրամփի՝ Ադրբեջանի նախագահ Իլհամ Ալիևին ուղղված շնորհավորական նամակում։

Նա նշել է, որ 2025 թվականի օգոստոսին Վաշինգտոնում կայացած պատմական խաղաղության գագաթնաժողովից հետո համատեղ աշխատել են հարաբերությունները վերականգնելու համար։

«Մենք շարունակում ենք խորացնել մեր գործընկերությունը տարածաշրջանային կապի, տնտեսական հարաբերությունների և անվտանգության ոլորտում համագործակցության հարցում, և մենք անհամբեր սպասում ենք այս ոլորտներում և դրանից դուրս շարունակական համագործակցությանը»,-ասվում է նամակում։

Թրամփի նամակում նաև ընդգծվում է, որ երկու կողմերն էլ անհամբեր սպասում են իրենց ռազմավարական գործընկերության հետագա ամրապնդմանը առաջիկա տարիներին և տասնամյակներում։