«Կենտրոն» հեռուստաընկերությունն ուղիղ հեռարձակում կապահովի Ծիծեռնակաբերդից. Բեթղեհեմ Արաբյան
«Կենտրոն» հեռուստաընկերությունն ուղիղ հեռարձակում կապահովի Ծիծեռնակաբերդից
Հայոց ցեղասպանության 111-րդ տարելիցին ընդառաջ համապետական սփռում ունեցող «Կենտրոն» հեռուստաընկերությունը մարզերից, մայրաքաղաքից, Սփյուռքից հեռախոսազանգեր է ստանում հարցադրումով՝ արդյոք հեռուստաընկերությունը հեռարձակելո՞ւ է Հայոց ցեղասպանության ոգեկոչմանը նվիրված միջոցառումները։
Ցավում ենք, որ մեր երկրի համար դժվար այս շրջանում նման թեմայով լրացուցիչ մեկնաբանության և պարզաբանման կարիք կա։
Տեղեկացնում ենք մեր հեռուստադիտողին, որ ապրիլի 24-ին, վաղ առավոտից մինչև ուշ գիշեր, «Կենտրոն» հեռուստաընկերությունն աշխատելու է արտակարգ ռեժիմով, ինչպես միշտ, ըստ արժանվույն լուսաբանելով համազգային հիշատակի և տուրքի այդ կարևորագույն օրվա ընթացքը։
Հայոց Ցեղասպանության զոհերի հիշատակի 111-րդ տարելիցին նվիրված երթը և միջոցառումները Հայոց ցեղասպանության հուշահամալիրից հեռուստաընկերությունը կցուցադրի ուղիղ միացումներով ամբողջ օրվա ընթացքում՝ միաժամանակ եթեր հեռարձակելով Հայոց ցեղասպանության թեմային առնչվող հաղորդումներ և հարցազրույցներ։
«Կենտրոն» ՀԸ գլխավոր տնօրեն Բեթղեհեմ Արաբյան
