Սաուդյան Արաբիան վերականգնել է Իրանի ավերած կարևորագույն նավթամուղը
Ըստ պաշտոնատար անձանց, Սաուդյան Արաբիան վերականգնել է «Արևելք-Արևմուտք» նավթամուղի թողունակությունն ամբողջությամբ՝ Իրանի դեմ ամերիկա-իսրայելական պատերազմի ժամանակ տեղի ունեցած հարձակումներից հետո, որոնք հանգեցրել էին արդյունահանման նվազմանը։ Այս մասին հայտնում է Al Jazeera-ն։
Վերանորոգման աշխատանքներից հետո առանցքային խողովակաշարը կրկին կարող է օրական մոտ յոթ միլիոն բարել նավթ մղել, հայտնել է թագավորության էներգետիկայի նախարարությունը։
Նախարարությունը հայտնել է, որ Սաուդյան Արաբիայի արևելյան ափին գտնվող Մանիֆա նավթահանքի արդյունահանումը նույնպես վերականգնվել է մինչև ամբողջական հզորություն՝ օրական մոտ 300,000 բարել, այն բանից հետո, երբ տուժել էր Իրանի հարվածներից։
Իշխանությունները շարունակում են աշխատանքները ցամաքի խորքում գտնվող Խուրայս նավթահանքի արդյունահանումը վերականգնելու ուղղությամբ՝ օրական 300,000 բարել հզորության կորստից հետո։
