Իսրայելում ԱՄՆ դեսպանը կարծում է, որ Իսրայելը կարող էր հավակնել գրեթե ամբողջ Մերձավոր Արևելքին
Իսրայելում ԱՄՆ դեսպան Մայք Հաքաբին կարծում է, որ Աստվածաշնչի համաձայն Իսրայելը կարող էր հավակնել գրեթե ամբողջ Մերձավոր Արևելքին: Այս մասին փոխանցում է ՏԱՍՍ-ը։
Ամերիկացի լրագրող Թաքեր Կառլսոնը դիվանագետին խնդրել է մեկնաբանել Ծննդոց գրքի 15-րդ գլուխը, որում ասվում է, որ Աստված Աբրահամի սերունդներին երկիր է շնորհել Նեղոսից մինչև Եփրատ: Հարցազրուցավարը Հաքաբիին հարցրել է, թե արդյոք դա, նրա կարծիքով, նշանակում է, որ Իսրայելն իրավունք ունի գրեթե ողջ Մերձավոր Արեւելքի նկատմամբ։
«Լավ կլիներ, որ նրանք վերցնեին այդ ամենը»,-պատասխանել է դեսպանը:
Կառլսոնն ավելի վաղ բրիտանական Daily Mail թերթին հայտնել էր, որ հարցաքննվել է Իսրայելից մեկնելիս, որտեղ նա այցելել էր փետրվարի 18-ին՝ Հաքաբիի հետ հարցազրույցը ձայնագրելու համար:
