Շվեդ զինվորականներին ռուսերեն են սովորեցնում
Շվեդիայի վարչապետ Ուլֆ Քրիստերսոնը հայտարարել է, որ իր երկրի զինված ուժերում սովորում են ռուսերեն։
«Կարծում եմ, որ այնպիսի երկրում, ինչպիսին Շվեդիան է, մենք կասկածամիտ ենք ռուսների նկատմամբ դեռևս 17-րդ դարից, ուստի որոշակի փորձ ունենք այս հարցում: Մենք ունենք ռուսախոս փոքրամասնություն, և, անկեղծ ասած, Շվեդիայում ռուսերեն խոսողների մեծամասնությունը զինվորականներն են»,- ասել է Քրիստերսոնը Մյունխենի անվտանգության համաժողովում:
Ռուսաստանի նախագահ Վլադիմիր Պուտինը նախկինում նշել էր, որ արևմտյան քաղաքական գործիչները պարբերաբար վախեցնում են իրենց բնակչությանը մտացածին ռուսական սպառնալիքով՝ ուշադրությունը ներքին խնդիրներից շեղելու համար, սակայն «խելացի մարդիկ հիանալի հասկանում են, որ դա կեղծիք է»։
