Մայքլ Քերրիքը ճանաչվել է Պրեմիեր լիգայի ամսվա լավագույն մարզիչ
«Մանչեսթեր Յունայթեդը» գլխավորող Մայքլ Քերրիքը ճանաչվել է Պրեմիեր լիգայի հունվար ամսվա լավագույն մարզիչ։ Պրեմիեր լիգան այս մասին հայտարարել է սոցիալական ցանցերում։
Մայքլ Քերրիքի գլխավորությամբ «Մանչեսթեր Յունայթեդը» հունվարին խաղացել է երկու խաղ՝ հաղթելով «Մանչեսթեր Սիթիին» (2:0) և «Արսենալին» (3:2)։
Քերրիքի մրցակիցների թվում էին «Բորնմութի» գլխավոր մարզիչ Անդոնի Իրաոլան, «Չելսիի» մարզիչ Լիամ Ռոսենյորը և «Նոթինգհեմ Ֆորեսթը» գլխավորող Շոն Դայքը։
«Մանչեսթեր Յունայթեդը» Անգլիայի Պրեմիեր լիգայի աղյուսակում չորրորդն է՝ 26 խաղում վաստակած 45 միավորով։ «Արսենալը» առաջինն է՝ 57 միավորով։
