«Բարսելոնայում» բացատրել են, թե ինչու են նշանակել Հանս-Դիտեր Ֆլիկին
«Բարսելոնայի» մարզական տնօրեն Դեկուն մեկնաբանել է ակումբի որոշումը՝ 2024 թվականին Հանս-Դիտեր Ֆլիկին գլխավոր մարզիչ նշանակելու վերաբերյալ: Ֆլիկը նախկինում մարզել է Գերմանիայի ազգային հավաքականը և Մյունխենի «Բավարիան»։
«Խավիից հետո մենք հասկացանք, որ մեզ անհրաժեշտ է մարզիչ, որը կարող է հանգստություն բերել հանդերձարան, հատկապես հաշվի առնելով խաղացողների տարիքը։ Մենք միշտ ունեցել ենք շատ յուրահատուկ հանդերձարան։
Նման հանդերձարան կառավարելը կարևոր է։ Հաջողության գրավականը փորձառու մարզիչն էր, ով մեծ փորձ ուներ խոշոր ակումբների հանդերձարաններում։ Ֆլիկը աշխատել է որպես Գերմանիայի ազգային հավաքականի՝ տիտղոսակիր թիմի, օգնական մարզիչ և ունի մարզչական աշխատանքի երկարամյա փորձ։ Սա էր գլխավոր գաղափարը»,- Դեկոյի խոսքերն է մեջբերում Sport.es առցանց հրատարակությունը։
