Երևան-Մեղրի ճանապարհին բախվել են «Mercedes»-ը և Իրանի քաղաքացու ավտոբուսը․ կա տուժած

Այսօր՝ հունվարի 25-ին, խոշոր ավտովթար է տեղի ունեցել Վայոց ձորի մարզում։ Ժամը 18։15-ի սահմաններում Երևան-Մեղրի ավտոճանապարհի 149 կմ հատվածում բախվել են Սյունիքի մարզի բնակիչ 23-ամյա Հայկ Կ․-ի վարած «Mercedes» մակնիշի ավտոմեքենան և Իրանի Իսլամական Հանրապետության քաղաքացի 43-ամյա Մահդի Մոխտապի վարած իրանական համարանիշներով «Scania» մակնիշի ավտոբուսը։

Shamshyan.com-ի տեղեկություններով, վթարի հետևանքով «Mercedes»-ի վարորդ Հայկ Կ․-ն տարբեր աստիճանի մարմնական վնասվածքներով տեղափոխվել է «Վայոց Ձոր» բժշկական կենտրոն։

Վթարի փաստով քննչական վարչությունում նախաձեռնվել է քրեական վարույթ։