Մենք համաձայնեցինք արագացնել Միջին միջանցքի զարգացումը. Կոշտա
Հայաստանի և Ադրբեջանի միջև կնքված խաղաղության պայմանագիրը մեծ հեռանկարներ է ստեղծում Տրանսկասպյան երթուղու զարգացման համար։
Ըստ ԱՊԱ-ի` այս մասին Silk Way հեռուստաալիքին տված հարցազրույցում հայտարարել է Եվրոպական Միության Խորհրդի նախագահ Անտոնիո Կոշտան։
«Ապրիլին կայացած ԵՄ-Կենտրոնական Ասիա գագաթնաժողովում մենք համաձայնեցինք արագացնել Միջին միջանցքի զարգացումը։ Հայաստանի և Ադրբեջանի միջև խաղաղության համաձայնագիրը նույնպես նոր հնարավորություններ է բացում։ Սա մեծ հեռանկարներ է ստեղծում Ասիան Եվրոպայի հետ կապող և Սև ծով ելք ապահովող Տրանսկասպյան երթուղու լիարժեք զարգացման համար», – նշել է Կոշտան։
