Մոսկվայում հայ գործարարի են ձերբակալել
Մոսկվայի մարզի դատարանը ձերբակալել է գործարար Արայիկ Ամիրխանյանին՝ Գերագույն ռադայի նախկին պատգամավոր Իլյա Կիվայի սպանության գործով, ՌԻԱ Նովոստիին հայտնել է աղբյուրը։
«Մոսկվայի մարզի դատարանը Կիվայի սպանության գործի շրջանակներում Ամիրխանյանի նկատմամբ խափանման միջոց է ընտրել կալանքը»,- ասել է գործակալության զրուցակիցը, ով ծանոթ է քննության ընթացքին։
Միաժամանակ, Ամիրխանյանն արդեն կալանավորված է եղել՝ կաշառակերության գործով։
Ամռան սկզբին նա դատապարտվել է վեց տարվա ազատազրկման ընդհանուր ռեժիմի ուղղիչ գաղութում՝ տուգանքով։ Դատարանը պարզել է, որ մեղադրյալը երկու անգամ գումար է փոխանցել դատական կատարածուին՝ օրենքի խախտմամբ ընկերության հաշիվներից կալանքը վերացնելու համար։ Օգոստոսի վերջին վերաքննիչ դատարանը դատավճիռը օրինական է ճանաչել։
