Այսօր ժամը 20:30-ից 23:00-ը Խորհրդի անդամները հասանելի կլինեն ակտիվ համախոհների հետ քննարկման համար
Արցախցիների իրավունքների պաշտպանության խորհուրդը շարունակում է նստացույցը Ազատության հրապարակում, և այսօր ժամը 20:30-ից 23:00-ը Խորհրդի անդամները հասանելի կլինեն ակտիվ համախոհների հետ քննարկման ու վաղվա գործողությունների ներկայացման համար:
«Ուստի, ովքեր ունեն առաջարկներ կամ պատրաստ են մասնակցել մեր վճռական պայքարին, թող նշված ժամանակահատվածում մոտենան Խորհրդի անդամներին»,–ասված է հաղորդագրության մեջ։
