Ֆինլանդիայի նախագահը գաղտնի եռամարտի մրցման է մասնակցել և զբաղեցրել երկրորդ տեղը
Ֆինլանդիայի նախագահ Ալեքսանդր Ստուբը կեղծ անվան ներքո մասնակցել է եռամարտի մրցմանը, որտեղ տղամարդկանց ֆիթնեսի կատեգորիայում զբաղեցրել է երկրորդ տեղը: Այս մասին հայտնել է Ilta-Sanomat-ը։
Եռամարտի մրցաշարը տեղի է ունեցել Ֆինլանդիայի Յորոյնեն քաղաքում, իսկ հուլիսի 11-ը սպրինտ եռամարտի օրն է, գրում են լրագրողները: Նրանք հավելել են, որ AS խորհրդավոր անունը հայտնվել է սպրինտ եռամարտի մեկնարկային ցուցակում։
Պետության ղեկավարի մրցույթին մասնակցելու մասին լուրերը, որոնք սկսել էին տարածվել, հաստատվել են, երբ Ստուբը հայտնվել է մեկնարկային գծում, ասվում է հոդվածում։
Նա լողացել է 500 մ, հեծանիվով անցել 20 կմ և 5 կմ տարածությունը վազել մեկ ժամից մի փոքր ավելի ժամանակում, նշում է պարբերականը: Նրա 1 ժամ 4 րոպե 19 վայրկյան արդյունքը բավարար էր տղամարդկանց ֆիթնեսի կատեգորիայում երկրորդ տեղը զբաղեցնելու համար, հավելում են լրագրողները։
Ստուբը տղամարդկանց կատեգորիայի հաղթող Արտո Վալինից հետ է մնացել ընդամենը 1 րոպե 19 վայրկյանով, նշում են հոդվածի հեղինակները։ Նրանք նշում են, որ Ստուբի ելույթը շատ ուժեղ էր, քանի որ տղամարդկանց ֆիթնես կատեգորիայում մրցել են 45 մասնակից, և ընդհանուր առմամբ մեկնարկային գիծ են դուրս եկել 100-ից ավելի մարզիկներ։
