«Mercedes»-ը «Զոդի» կամրջի մոտ բախվել է գազատարին և գլխիվայր շրջվել
Դեկտեմբերի 23-ին խոշոր ավտովթար է տեղի ունեցել Արարատի մարզում: Ժամը 10:30-ի սահմաներոււմ Վայոց ձորի մարզի բնակիչ 38-ամյա Արման Մ.-ն իր վարած «Mercedes» մակնիշի ավտոմեքենայով Արարատի մարզում, ժողովրդին հայտնի «Զոդի» կամրջի մոտ, դեռևս անհայտ հանգամանքներում բախվել է գազատարին և գլխիվայր շրջվել: Այս մասին տեղեկացնում է Shamshyan.com-ը:
Վթարի հետևանքով վիրավորվել են 3 հոգի, ովքեր հոսպիտալացվել են «Արարատ» բժշկական կենտրոն:
Դեպքի վայր են ժամանել ՀՀ Ներքին գործեր նախարարության փրկարար ծառայության Արարատի հրշեջ-փրկարարական ջոկատից 1 մարտական հաշվարկ:
Վթարի փաստով քննչական վարչությունում նախաձեռնվել է քրեական վարույթ, որտեղ էլ պարզվում է վիրավորների ինքնությունը:
