Որն է քնելու համար ամենահարմար դիրքը
Սոմնոլոգ Միխայիլ Պոլուեկտովն aif.ru-ի հետ զրույցում կարծում է, որ քնելու ամենաօգտակար դիրքն այն դիրքն է, որը մարմինն ինքն է ընտրում։
Պոլուեկտովն ընդգծել է, որ քնի որակը պայմանավորված է առաջին հերթին հոգեբանական հարմարավետությամբ, ուստի կարևոր է միշտ կենտրոնանալ անձնական նախասիրությունների վրա։ Նրա խոսքով, ամենից հաճախ մարդիկ քնում են կիսասաղմնային դիրքով, և այս դիրքը կարելի է հարմար համարել պատշաճ հանգստի համար։
«Դրա միջոցով դուք կարող եք հասնել մկանների առավելագույն թուլացման»,- ըստ shantnews-ի՝ ասել է բժիշկը:
Անձնական հարմարավետությունը նաև առանցքային դեր է խաղում քնի կազմակերպման այլ ասպեկտներում, կարծում է Պոլուեկտովը:
«Եթե մարդը սովոր է միայնակ քնել և իրեն անհարմար է զգում ուրիշի հետ, ապա ուրիշի հետ քնելը առողջության համար օգուտ չի բերի», – բացատրել է բժիշկը:
Սակայն նա հավելել է, որ շատերի համար քնելուց առաջ կողակցին հպվելը, ընդհակառակը, հաճելի արարողություն է, որն օգնում է ավելի արագ քնել։
Պոլուեկտովը նշել է, որ քնի որոշ սովորություններ կարող են լրջորեն վնասել առողջությանը։
Նա օրինակ է բերել, որ հերթափոխով աշխատող մարդիկ ավելի հակված են քաղցկեղի։ Բացի այդ, քնի քրոնիկ պակասը 10 տոկոսով ավելացնում է ճարպակալման վտանգը, եզրակացրել է բժիշկը։
