Մասիսում «Mitsubishi»-ն բախվել է երկաթե էլեկտրասյանը, ապա քարով բարձված «ԶԻԼ»-ին, կա 1 զոհ
Արարատի մարզում այսօր՝ մարտի 25-ին, ավտովթար է տեղի ունեցել:
Shamshyan.com-ի հաղորդմամբ ժամը 08:30-ի սահմաններում Մասիս քաղաքի սկզբնամասում Արարատյան փողոցում Արարատի մարզի բնակիչ 34-ամյա Տիգրան Մ.-ն իր վարած «Mitsubishi» մակնիշի ավտոմեքենայով դեռևս անհայտ հանգամանքներում բախվել է երկաթե էլեկտրասյանը, ապա քարով բարձված «ԶԻԼ» մակնիշի բեռնատարին:
Վթարի հետևանքով «Mitsubishi»-ի վարորդը տեղում մահացել է: Նրա դին ավտոմեքենայից դուրս են բերել օպերատիվորեն ժամանած ՀՀ Ներքին գործերի նախարարության Փրկարար ծառայության Մասիսի թիվ 25 հրշեջ-փրկարարական ջոկատի փրկարարները՝ օգտագործելով հատուկ տեխնիկա:
