Դուբայում ստեղծվել է աշխարհի ամենաթանկարժեք կանացի զգեստը
Ռուսական РИА Новости լրատվական գործակալության փոխանցմամբ՝ բրիտանացի դիզայներ Դեբբի Վինգհեմը Դուբայում ստեղծել է աշխարհի ամենաթանկարժեք կանացի աբաին (մուսուլմանական զգեստ), որը գնահատվում է 17.6 միլիոն դոլար:
Այդ զգեստը զարդարված է երկու հազար ադամանդով, այդ թվում նաև կարմիր գույնի: Աբաին մուսուլմանական աշխարհի կանացի ավանդական վերնազգեստ է, ներկայումս այն տարածված է Պարսից ծոցի երկրներում: Ակնկալվում է, որ այդ զգեստը պոտենցիալ գնորդներին կցուցադրվի առաջիկա հինգշաբթի, Դուբայի հյուրանոցներից մեկում:
