Հայաստանը 61-րդ տեղում է՝ ըստ Arton Capital աշխարհի անձնագրային վարկանիշի
Կանադական Arton Capital խորհրդատվական ընկերության 2024 թվականի Global Passport Power Rank-ի համաձայն՝ Հայաստանը, Ադրբեջանը և Լեսոտոն 61-րդ տեղում են։
Այս վարկանիշի ցուցանիշը տարբեր երկրներ առանց վիզայի մեկնելու հնարավորությունն է։
Բոլոր երեք երկրների շարժունակության միավորը եղել է 83։
Ըստ այս վարկանիշի՝ 37 երկիր առանց վիզայի է ՀՀ անձնագիր ունեցողների համար, 46 երկրներում վիզա կարելի է ստանալ ժամանելուն պես, իսկ 155 երկրներում վիզա պահանջվում է։
Նման իրավիճակ է ստեղծվել նաև Ադրբեջանի քաղաքացիների համար։
Ինչ վերաբերում է Լեսոտոյին, ապա 49 երկիր առանց վիզայի է այս երկրի անձնագիր ունեցողների համար, 34-ը վիզա է տալիս ժամանելիս, 115-ը՝ վիզա է պահանջում։
Համաշխարհային վարկանիշում առաջին տեղն է զբաղեցրել Արաբական Միացյալ Էմիրությունները՝ շարժունակության 180 միավորով։
Այս երկրի քաղաքացիները կարող են առանց վիզայի ճանապարհորդել 132 երկիր, նրանք կարող են վիզա ստանալ 48 երկիր ժամանելուն պես, և միայն 18 երկրներում է վիզա պահանջվում Էմիրությունների համար։
Վերջին՝ 96-րդ տեղում սիրիական անձնագիրն է, որի առկայությունը թույլ է տալիս առանց վիզայի ճանապարհորդել աշխարհի միայն 9 երկիր։
