Գիտնականները զգուշացրել են մոտեցող մագնիսական փոթորկի մասին
Ռուսաստանի Գիտությունների ակադեմիայի Տիեզերական հետազոտությունների ինստիտուտի (IKI) Արևային ռենտգենյան աստղագիտության լաբորատորիայի հետազոտողները զգուշացրել են, որ հաջորդ շաբաթ՝ նոյեմբերի 22-26-ը, սպասվում է մագնիսական փոթորիկ: Այս մասին հաղորդվում է լաբորատորիայի կայքում։
Մագնիսական փոթորիկը կսկսվի 22-ին՝ Մոսկվայի ժամանակով առավոտյան ժամը վեցին։ Ըստ կանխատեսումների՝ մագնիսական դաշտի ուժգնությունը կհասնի G1 մակարդակի․ սա նվազագույն ցուցանիշն է։
Ըստ հրապարակման՝ մագնիսական դաշտի տատանումները կարող են զգալ երեխաներն ու տարեց մարդիկ։
