Լոռու մարզում ԶԻԼ-ը, մոտ 60 մետր գլորվելով, հայտնվել է ձորում. վարորդի դին հայտնաբերվել է մեքենայից դուրս
Այսօր՝ նոյեմբերի 7-ին, ողբեգական ավտովթար է տեղի ունեցել Լոռու մարզում: Ժամը 12:30-ի սահմաններում Ալավերդի-Մադան ավտոճանապարհին ԶԻԼ մակնիշի բեռնատարը, դեռևս անհայտ հանգամանքներում, դուրս է եկել ճանապարհի երթևեկելի գոտուց, և մոտ 60 մետր գլորվելով՝ բախվել քարերին, և կողաշրջված վիճակում հայտնվել ձորում, հաղորդում է Shamshyan.com-ը:
Վթարի հետևանքով վարորդը տեղում մահացել է:
Նրա դին ավտոմեքենայից դուրս հայտնաբերել են փրկարարները:
Փրկարարները դին պատգարակով մոտեցրել են «Ալավերդի» բժշկական կենտրոնի դիատարին:
Վթարի փաստով Թումանյանի քննչական բաժնում նախաձեռնվել է քրեական վարույթ:
Ոստիկանությունն ու քննչական բաժինը պարզում են մահացածի ինքնությունը:
