Ավտանգություն ասելով՝ ճիշտ չենք անում, որ հասկանում ենք միայն զենք. Փաշինյան
Ժամանակակից աշխարհում անվտանգությունը մեկ կոմպոնենտից բաղկացած չէ։ Եվ դա մենք տեսնում ենք ամենատարբեր կետերում։
Այս մասին Հանրային հեռուստաընկերությանը տված հարցազրույցի ժամանակ ասաց Նիկոլ Փաշինյանը՝ պատասխանելով հարցին, թե արդյոք ռազմական սպառնալիքը չի մեծանում՝ հաշվի առնելով Ռուսաստանի հետ լարված հարաբերությունները և զենքի վաճառքի հետ առաջացած խնդիրները։
«Նույնիսկ այն երկրներում, որ թվում է, թե զենքի, բանակի մարտունակության, ժամանակից լինելու խնդիր չկա, մի օր արթնանում ենք և տեսնում, որ շատ մեծ խնդրի առաջ են կանգնել այդ երկրները։ Այնպես որ՝ անվտանգություն ասելով ճիշտ չենք ասում, որ հասկանում ենք միայն զենք։ Զենքը շատ կարևոր է, բայց անվտանգության ամենակարևոր բաղադրիչն այն է, որ կարողանում ես ստեղծել մի վիճակ, որ զենք օգտագործելու անհրաժեշտություն չլինի, որովհետև երբ զենքն օգտագործվեց, իսկ ովքե՞ր են լինելու քո հակառակորդների դաշնակիցները»,- ընդգծեց նա։
