Հերթական պարգևավճարն ԱԺ աշխատակազմին՝ աշխատավարձի 50 տոկոսի չափով
Աժ նախագահ Ալեն Սիմոնյանը ստորագրել է կարգադրություն՝ ԱԺ աշխատակիցներին հերթական պարգևավճարը տալու վերաբերյալ։ Կարգադրությունը հրապարակվել է ԱԺ կայքում.
«Ղեկավարվելով «Ազգային ժողովի կանոնակարգ» սահմանադրական օրենքի 5-րդ հոդվածի 2-րդ մասի 12-րդ կետով` կարգադրում եմ.
1. Հանրապետության տոնի առթիվ Ազգային ժողովի աշխատակազմի պետական ծառայողներին և աշխատողներին խրախուսել միանվագ դրամական պարգևատրմամբ՝ ամսական պաշտոնային դրույքի 50% չափով՝ համաձայն հավելվածի:
2. Ազգային ժողովի աշխատակազմի ղեկավար-գլխավոր քարտուղար Դ. ԱՌԱՔԵԼՅԱՆԻՆ՝ Հայաստանի Հանրապետության օրենսդրությամբ սահմանված կարգով ապահովել համապատասխան վճարումների կատարումը»:
Հիշեցնենք, որ ՀՀ տոների և հիշատակի օրերի մասին օրենքով մայիսի 28-ին է նշվում Հանրապետության տոնը՝ ի նշան 1918 թվականին Հայաստանի Առաջին Հանրապետության հռչակման:
