Ղազախական «FlyArystan»-ը թռիչքներ կիրականացնի Ալմաթիից Երևան
Ղազախական «FlyArystan» ավիաընկերությունը տեղեկացնում է Ալմաթի-Երևան իր նոր ուղղության բացման մասին:
Ավիաընկերությունը հայտնում է, որ թռիչքները դեպի Երևան և հակառակ ուղղությամբ կիրականացվեն շաբաթը երկու անգամ:
«Մենք ուրախությամբ տեղեկացնում ենք Ալմաթի-Երևան նոր ուղղությամբ թռիչքի մասին: Թռիչքները դեպի Երևան ու հակառակ ուղղությամբ իրականացվելու են հունիսի 2-ից երկուշաբթի և հինգշաբթի օրերին Airbus A320 հարմարավետ ինքնաթիռներով: Ճանապարհորդենք դեպի ծիրանի երկիր»,- ասված է ավիաընկերության հաղորդագրությունում:
