Հաց՝ պատրաստված մսից

Բաղադրիչներ

1. Կարագ – 50 գ

2. Կաթ – 200 մլ

3. Մսային ֆարշ – 1 կգ

4. Սպիտակ հաց – 80 գ

5. Ձու – 1 հատ

6. Սոխ – 2 հատ

7. Մաղադանոս – 20 գ

8. Մշկընկույզ՝ ըստ ցանկության

9. Աղ, սև պղպեղ

Պատրաստման եղանակը

1. Հացի փափուկ մասը (միջուկը) կտրատել և խորը թասի մեջ թրջել կաթով: Թողնել այնքան ժամանակ, մինչև կաթն ամբողջությամբ ներծծվի հացի մեջ:

2. Տապակի մեջ տաքացնել կարագը և տապակել կտրատված սոխը:

3. Խառնել սոխը ֆարշի, հացի, ձվի և մանրացված մաղադանոսի հետ, մինչև միասեռ զանգված դառնալը: Համեմել աղով, պղպեղով և մշկընկույզով:

4. Հաց թխելու համար նախատեսված խոր, նեղ կաղապարը յուղապատել: Թաց ձեռքերով ստացված զանգվածը տեղավորել կաղապարի մեջ: Վրան հալեցրած կարագ քսել և դնել 200 աստիճան տաքացրած ջեռոցը 30 րոպե: Հետո տաքությունն իջեցնել մինչև 150 աստիճան և թողնել՝ թխվի ևս 15 րոպե: Պատրաստի հացը կտրատել խոշոր կտրոներով, մատուցել կարտոֆիլի խյուսի հետ:

Պատրաստեց Անի Գաբուզյանը