ԱՄՀ-ն ռեկորդային 650 մլրդ դոլար կհատկացնի համաշխարհային տնտեսության վերականգնման համար
Արժույթի միջազգային հիմնադրամն (ԱՄՀ) օգոստոսի 2-ին հավանություն է տվել 456 մլրդ դոլար ծավալով փոխառության հատուկ իրավունքների (SDR, ԱՀԿ-ի հաշվարկային միավոր) հատկացմանը COVID-19-ի համավարակի հարուցած ճգնաժամի պայմաններում համաշխարհային տնտեսության վերականգնման համար: Այդ մասին հաղորդվում է ԱՄՀ-ի կայքում:
«Սա պատմական որոշում է. SDR-ի խոշորագույն բաշխումը ԱՄՀ-ի պատմության մեջ եւ գլոբալ տնտեսության խթանում աննախադեպ ճգնաժամի ժամանակ: SDR-ի բաշխումն օգուտ կբերի բոլոր անդամներին, թույլ կտա բավարարել երկարաժամկետ գլոբալ պահանջը ռեզերվներում, կամրապնդի վստահությունը եւ կնպաստի համաշխարհային տնտեսության հաստատուն ու կայուն լինելուն»,-հայտարարել է ԱՄՀ-ի կարգադրիչ տնօրեն Քրիստալինա Գեորգիեւան:
Միջոցների բախման մասին որոշումն ուժի մեջ կմտնի 2021 թվականի օգոստոսի 23-ին, հաղորդել է «Ինտերֆաքս»-ը:
