Վրաստանում մեկ օրվա ընթացքում հայտնաբերվել է կորոնավիրուսի 964 նոր դեպք
Վրաստանի համաճարակաբանները հրապարակել են երկրում կորոնավիրուսով վարակման վիճակագրությունը. անցած օրվա ընթացքում արվել է կորոնավիրուսի 28 հազար 190 թեստ եւ հայտնաբերվել վարակման 964 դեպք: Այդ մասին հաղորդվում է Stopcov.ge. կառավարական կայքում: Դրականության ցուցանիշը (թեստավորում անցածների ընդհանուր թվից ախտահարվածների բաժինը), հուլիսի 1-ի տվյալներով, կազմում է 3,42 տոկոս, երկու շաբաթվա ընթացքում՝ 2,74 տոկոս, յոթ օրվա ընթացքում՝ 3,09 տոկոս:
964 նոր դեպքերից Թբիլիսիում գրանցվել է 629-ը, Աջարիայում՝ 25, Իմերեթում՝ 77, Քվեմո Քարթլիում՝ 54, Շիդա Քարթլիում՝ 40, Գուրիում՝ 9, Սամեգրելո-Զեմո Սվանեթում՝ 30, Կախեթում՝ 71, Մցխեթ-Մթիանեթում՝ 12, Սամցխե-Ջավախքում՝ 9, Ռաչա-Լեչխումում եւ Քվեմո Սվանեթում՝ 8: Ներկայում Վրաստանում ակտիվ դեպքերի թիվը հասնում է 9 հազար 430-ի, նրանցից 2771-ն ստացիոնար բուժման կարիք ունի, 620 մարդ գտնվում է քովիդ-հյուրանոցներում, 6 հազար 39 մարդ բուժընթաց էանցնում տանը: 607 հիվանդների վիճակը ծանր է, նրանցից 158 հոգի միացված են արհեստական շնչառության սարքին: Կորոնավիրուսի առաջին դեպքը Վրաստանում հայտնաբերվել է 2020 թվականի փետրվարի 26-ին, հաղորդել է Sputnik-ը:
