Մալդիվները դյուրացրել են երկիր մուտքի կանոնները, բայց առայժմ ոչ ռուսաստանցիների համար
Մալդիվյան կղզիների իշխանությունները վերանայել են օտարերկրացիների մուտքի պահանջները, ապրիլի 20-ից պատվաստում ստացած ճանապարհորդները կարող են չներկայացնել կորոնավիրուսի ՊՇՌ-թեստի բացասական արդյունքը, բայց ռուսաստանցիների վրա նոր կանոնը դեռ չի տարածվում: Այդ մասին հաղորդել է Ռուսաստանի տուրօպերատորների ասոցիացիան (ՌՏՕԱ)։
«Մալդիվներ ժամանող արտասահմանցի հյուրերը (ներառյալ զբոսաշրջիկները), որոնք COVID-19-ի դեմ պատվաստանյութի (ԱՀԿ-ի կողմից հավանության արժանացած) երկու չափաբաժիններն ստացել են ուղեւորությունից առաջ երկու շաբաթվա ընթացքում, այժմ ազատվում են ժամանելուց առաջ պարտադիր ՊՇՌ-թեստավորումից եւ կարիք չկա, որ նրանք կարանտին անցնեն»,-ասված է Մալդիվյան կղզիների զբոսաշրջության նախարարության շրջաբերականում:
Ռուսաստանյան «Սպուտնիկ V» պատվաստանյութը դեռ չի նշվում ԱՀԿ-ի կողմից հավանության արժանացածների ցուցակում, բայց դրա ճանաչումը գտնվում է եզրափակիչ փուլում: Այսպիսով, այսօրվա դրությամբ ռուսաստանցի զբոսաշրջիկների համար Մալդիվներ մուտքի կանոնները չեն փոխվում, նույնիսկ պատվաստում ստացածների համար: Բոլոր հյուրերին, ներառյալ մինչեւ մեկ տարեկան երեխաները, անհրաժեշտ է ներկայացնել անգլերեն լեզվով բացասական ՊՇՌ-թեստ, որն արվել է ոչ շուտ, քան թռչելուց առաջ 96 ժամվա ընթացքում:
Մինչեւ ժամանելը 24 ժամվա ընթացքում Մալիի օդանավակայանում ճանապարհորդները պարտավոր են միգրացիոն ծառայության կայքում ներբեռնել առողջական վիճակի մասին հայտարարագիր: Այն բանից հետո, երբ անկետան կլրացվի, զբոսաշրջիկն ստանում է անհատական QR-կոդ, որն անհրաժեշտ է պահպանել օդանավակայանում ներկայացնելու համար: Այն գործում է 24 ժամ, հաղորդել է ՌԻԱ Նովոստին:
