Սարահարթ գյուղում այրվել է վագոն-տնակ
Ապրիլի 12-ին, ժամը 16։42-ին Լոռու մարզային ճգնաժամային կառավարման կենտրոն ահազանգ է ստացվել, որ Սարահարթ գյուղում այրվում է վագոն-տնակ։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։
Պարզվել է, որ հրդեհ է բռնկվել Սարահարթ գյուղի 1-ին փողոցում գտնվող վագոն-տնակում։
Հրշեջ-փրկարարները հրդեհը մեկուսացրել են ժամը 17։04-ին, մարել՝ 17։45-ին։ Այրվել են վագոն-տնակը (մոտ 18 քմ), հարակից տնակի ճակատային պատի փայտե կառուցատարրերը (մոտ 2 քմ) և ջերմահարվել՝ մոտ 3 քմ հատվածը։
