Apple-ը մտածել է խելացի մագնիսական ձեռնոցներ

Այս ձեռնոցը կկարողանա հետևել մարդու բոլոր մատների և ձեռքի շարժմանը:

Գաղտնիք չէ, որ Apple-ը երկար ժամանակ աշխատում է իր «խելացի» ակնոցների կամ սաղավարտի վրա՝ լրացված իրականությունում աշխատելու համար: Միայն այս սարքերի մասին տեղեկությունները դեռ սակավ են:

Նոր սարքի մանրամասները հայտնի են դառնում ընկերության արտոնագրից, որը նկարագրում է հատուկ ձեռնոցներ՝ ձեռքի շարժումներին հետևելու համար։ Դրանք օգտակար են վիրտուալ առարկաների և ակնոցների կառավարման համար:

Այս ձեռնոցներում օգտագործվում են հատուկ մագնիսական սենսորներ, որոնք կարող են ճշգրիտ որոշել տարածության մեջ ձեռքերի ու մատների դիրքը: Դա անելու համար ձեռնոցների վրա կտեղադրվեն երկու մոդուլներ, որոնք կստեղծեն մագնիսական դաշտ, և մատների ծայրերում կհայտնվեն հատուկ սենսորներ. համակարգը պետք է միայն հաշվարկի այդ սենսորների շեղումը մագնիսական դաշտի աղբյուրի համեմատ:

Վիրտուալ իրականության սաղավարտների ժամանակակից մանիպուլյատորները կարող են նաև հետևել առանձին մատների շարժմանը, բայց ոչ շատ ճշգրիտ։ Ձեռնոցները կարող են ավելի ազատ դարձնել շարժումը:

Թվում է, որ Apple-ն անընդհատ փորձեր է կատարում և փնտրում է ավելի լավ միջոցներ` ընդլայնված իրականության հետ աշխատելու համար: Ձեռնոցներից բացի, Apple-ը խելացի օղակի արտոնագիր ունի՝ օդում ժեստերով սարքերը կառավարելու համար:

Սիրարփի Աղաբաբյան