ԲՀԿ-ն չի մասնակցի ԲԴԽ անդամի թեկնածու Գագիկ Ջհանգիրյանի ընտրության քվեարկությանը
ԱԺ «Բարգավաճ Հայաստան» խմբակցության պատգամավոր Իվետա Տոնոյանը խորհրդարանում լրագրողների հետ զրույցում ասաց, որ ԲՀԿ-ն այսօր չի մասնակցի Բարձրագույն դատական խորհրդի անդամ թեկնածու Գագիկ Ջհանգիրյանի ընտրության քվեարկությանը, նաև ԲԴԽ անդամի թեկնածու Դավիթ Խաչատուրյանի ընտրությանը:
«Այս փուլում մենք այս քվեարկության նպատակահարմարությունը չենք տեսնում, բնականաբար, մենք ինքներս էլ վերապահումներ ունենք ԲԴԽ անդամի թեկնածությունների հետ կապված: Ես այլ մանրամասներ այս պահին չեմ ներկայացնի, քանի որ նման իրավասություն չունեմ: Մենք չենք մասնակցել բովանդակային քննարկումներին և, բնականաբար, չենք մասնակցի նաև քվեարկությանը»,- ասաց Իվետա Տոնոյանը:
Մանրամասները՝ 168.am-ի տեսանյութում
