WhatsApp-ից հրաժարվելուց հետո Էրդողանը Telegram-ում պաշտոնական ալիք է բացել

WhatsApp հավելվածից հրաժարվելուց հետո Թուրքիայի նախագահ Թայիփ Էրդողանը գրանցվել է Telegram և BIP մեսենջերներում։ Նշվում է, որ Էրդողանը երեքշաբթի օրը գործարկել է նաև իր պաշտոնական Telegram-ալիքը (@ RTErdogan): Այս մասին տեղեկացնում է ermenihaber.am-ը։

Ավելի վաղ Թուրքիայում հետաքննություն էր սկսվել WhatsApp-ի ու Facebook-ի նկատմամբ՝ վերջիններիս գաղտնիության նոր քաղաքականության պատճառով:

WhatsApp- ի մշակողները թարմացրել էին օգտատերերի պայմանագրերը՝ ավելացնելով կետ՝ Facebook-ին անձնական տվյալների փոխանցման մասին: Օգտատիրոջ պայմանագրի տեքստում նշվում է, որ WhatsApp-ը, որպես Facebook-ի մաս, կորպորացիայի ամբողջ «հավելվածների ընտանիքի» հետ կիսելու է օգտատիրոջ մասին անհրաժեշտ տեղեկությունները: Ի պատասխան սրա՝ թուրք օգտատերերը՝ ներառյալ բարձրաստիճան պաշտոնյաները, սկսեցին զանգվածաբար հեռանալ WhatsApp-ից։